САД: Во поплавите и лизгањето на земјиштето во Калифорнија загинаа 19 лица

МОНТЕСИТО (АА) - Најмалку 19 лица загинаа во поплавите и лизгањето на земјиштето предизвикани од поројните дождови што ја погодија сојузната американска држава Калифорнија, пренесува Anadolu Agency (AA).

Локалните власти соопштија дека бараат пет исчезнати лица, а наредена е евакуација на околу 9.000 луѓе од областите каде што се преземаат активности за отстранување на рушевините.

Повеќе од 100 куќи беа затрупани, а голем број од тие објекти се наоѓаат во Монтесито, каде што живеат многу познати личности. Меѓу станбените објекти на кои е направена штета се наоѓа и домот на ТВ водителката Опра Винфри.