Рускиот регулатор воведува ограничувања за Телеграм

МОСКВА (АА) — Рускиот регулатор за комуникации денес започна со воведување постепено ограничувања на Телеграм, забавувајќи ги неговите услуги за пораки (Телеграм месинџер) поради незаштување на личните податоци и спречување на терористите и криминалците од нивно користење, јавува Анадолу.

„Месинџерот сè уште не се придржува до руските закони, не ги заштитува личните податоци, нема реални мерки за борба против измами и не го спречува користењето на месинџерот за терористички и криминални цели“, се вели во соопштението на Роскомнадзор.

Надзорниот орган предупреди дека ќе продолжи да го ограничува работењето на Телеграм сè додека не се отстрани прекршувањето на руските закони.

Роскомнадзор е подготвен да соработува со сите домашни и странски интернет ресурси, сè додека тие ги почитуваат Русија и нејзините граѓани, се наведува во соопштението.

Во меѓувреме, судот Тагански во Москва преку соопштение истакна дека Телеграм се соочува со казни во вкупен износ од 64 милиони рубли (приближно 84.200 долари) поради одбивање да отстрани забранета содржина и непочитување на законот за самомониторинг.

Од 2019 година американските платформи за социјални медиуми X (претходно Твитер), Фејсбук, Инстаграм, Линкедин и видеоплатформата Јутјуб се блокирани во Русија поради непочитување на руското законодавство.