Elena Teslova
04 Октомври 2022•Ажурирај: 05 Октомври 2022
МОСКВА (АА) - Сергеј Шојгу, министер за одбрана на Русија, денес изјави дека на повикот за делумна мобилизација се пријавиле повеќе од 200.000 луѓе, известува Агенција Анадолија (АА).
Говорејќи на состанокот на Министерството за одбрана во главниот град Москва, Шојгу им наложи на воените началници да ја обезбедат потребната облека, оружје и друга опрема за регрутите.
Тој информираше дека сите новодојдени се обучуваат во шест центри и на 80 полигони.
„Воениот персонал ќе биде испратен во борбените области по обуката и борбената координација“, рече Шојгу, додавајќи дека новите единици ќе бидат измешани со искусни војници.
Тој додаде дека многу доброволци доаѓаат во воените комесаријати, подготвени да одат да учествуваат во воени активности.
„Исклучително е важно внимателно да се пристапи кон секое такво барање - да не се одбие никој освен ако постојат сериозни причини за тоа“, рече тој.
На 21 септември, рускиот претседател Владимир Путин прогласи делумна мобилизација во земјата, што ќе влијае на околу 300.000 луѓе на возраст од 18 до 50 години.
