Русија ќе евакуира повеќе од 9.000 деца од Белгород поради украинското гранатирање

МОСКВА (АА) - Властите на руската област Белгород на границата со Украина денес објавија дека ќе евакуираат повеќе од 9.000 деца поради украинското гранатирање, јавува Анадолу.

„Децата од областите Белгород, Шебекино и Граивороновски, што се наоѓаат во близина на границата со Украина, засега ќе бидат преместени во областите Калуш, Пенза, Ставропол и Тамбов“, изјави гувернерот на округот Белгород, Вјачеслав Гладков, на Телеграм.

Гладков нагласи дека најмалку 16 лица, од кои три денес, биле убиени во текот на изминатата недела, а 98 се повредени во украинските напади во регионот.

Гувернерот рече дека претходно во текот на денот, украинските војници погодиле училиште и болница во областа Граивороновски.

„Една ракета ја погоди централната окружна болница во областа Граивороновски, друга ракета погоди училиште. Фала му на Бога, децата деновиве имаат онлајн часови“, рече Гладков.

Минатата недела руското Министерство за одбрана објави за неколку обиди на украинските диверзантски групи да нападнат населени места во Белгород и Курск.