Русија тврди дека презела контрола над уште едно населено место во Украина

Русија денес соопшти дека нејзините сили го зазеле населеното место Шевченко во украинската област Доњецк, пренесува Анадолу.

Во соопштението на Министерството за одбрана се вели дека селото паднало под руска контрола по операцијата предводена од групата сили Центр (Центар).

Украина сè уште не ги коментирала тврдењата, а независната проценка останува предизвик поради тековниот конфликт.

Руската армија ја продолжува својата офанзива на истокот на Украина и во текот на изминатата недела тврдеше дека ја презела контролата врз три населени места.

Групата сили Запад воспостави контрола над селото Надија, додека групите Југ и Центар го зазеле украинското упориште, Курахове, и селото Даченске. Сите три населени места се во Доњецк.