Русија тврди дека презела контрола врз уште едно населено место во украинската област Доњецк

ИСТАНБУЛ (АА) - Русија денес потврди дека презела контрола врз уште едно село во украинскиот источен регион Доњецк, а силите на Москва се приближуваат до клучниот град Покровск во време на тековната офанзива во областа, јавува Анадолу.

Во соопштението на руското Министерство за одбрана се тврди дека нивните сили го зазеле селото Пишчане, кое се наоѓа на речиси 8 километри југозападно од Покровск, клучен фронт во офанзивата на Москва во Источна Украина.

Последниве месеци Русија често бележи територијално напредување, особено во регионот на Доњецк, каде што се интензивираа борбите околу Покровск.

Градот служи како критичен логистички центар за украинската војска во регионот, кој ја дели границата со Русија.

Украинските власти сè уште не го коментираа тврдењето на Русија, а независна проверка на тврдењето е тешка поради тековната војна од февруари 2022 година.