МОСКВА (АА) - Русија денес воведе забрана за влез на 235 австралиски општински советници, објави руското Министерство за надворешни работи, пренесува Анадолу.

Министерството соопшти дека влезот за општинските советници кои „формирале антируска агенда во Австралија“ е затворен на неопределено време.

„Земајќи го предвид ставот на официјална Канбера да го продолжи антирускиот курс и да воведе нови санкции, ќе продолжи ажурирањето на црната листа“, се наведува во соопштението.

Руското МНР ги објави и имињата на лицата од листата.