Русија: Браната во Белгородската Област оштетена во украински напад

МОСКВА (АА) - Браната на акумулацијата Белгород е оштетена во денешен украински напад, изјави гувернерот на Белгородската Област, Вјачеслав Гладков, јавува Анадолу.

„Како резултат на нападот од страна на Украина, има оштетување на браната на акумулацијата Белгород“, рече Гладков.

Повторен удар врз браната може да влијае на најмалку 1.000 луѓе, предупреди тој.

„Доколку ова се случи повторно, тоа ќе претставува закана од поплавување на областите во долината на реката од страната на регионот Харков и неколку улици на нашите населени места каде што живеат околу 1.000 жители“, додаде Гладков.

Украина сè уште не ги коментираше тврдењата на Русија, а независната верификација е тешка поради тековниот конфликт.