Роберт Превост е новоизбраниот папа, го зеде името Лео XIV

ЛОНДОН (АА) - Роберт Превост, 69-годишен кардинал од Чикаго, Соединетите Американски Држави (САД), е избран за нов папа - првиот Американец што некогаш се искачил на папската функција, јавува Анадолу.

• Бел чад се појави од оџакот во Ватикан, избран е новиот папа

Тој ќе го земе името папа Лео XIV, што е прв пат да се земе името „Лео“ за папа, од 19 век.

Новоизбраниот папа се појави на централниот балкон на базиликата „Свети Петар“ за да ги изговори своите први зборови како папа.

Обраќајќи се на присутните на италијански јазик, папата Лео XIV рече: „Мир со сите вас. Браќа и сестри, најдраги, ова е првиот поздрав од воскреснатиот Христос. Би сакал да упатам поздрав на мир што ќе стигне до вашите семејства, до сите вас, каде и да сте. Мирот да е со вас.“