Vakkas Doğantekin
30 Септември 2022•Ажурирај: 01 Октомври 2022
МОСКВА (АА) - Рускиот претседател Владимир Путин утрово потпиша указ за признавање на таканаречената независност на регионите Херсон и Запорожје во Украина, заземени од руската армија, јавува Агенција Анадолија (АА).
Референдуми за приклучување кон Русија беа одржани од 23 до 27 септември во таканаречените Народни републики Доњецк и Луганск, кои се под контрола на проруските сепаратисти, и во регионите Херсон и Запорожје.
Портпаролот на Кремљ, Дмитриј Песков, рече дека на 30 септември во Кремљ ќе се одржи церемонија за вклучување на регионите кон Русија.
Референдумите беа остро осудени од меѓународната заедница, а европските земји и САД рекоа дека референдумите нема да бидат признаени.
Русија ја призна таканаречената независност на сепаратистичките управи во Доњецк и Луганск на 21 февруари.
