Протести во Париз: Демонстрантите бараа на Израел да му се забрани учество на Олимпијадата

ПАРИЗ (АА) – Во центарот на Париз вчера се одржаа протести за поддршка на Палестина со апел на Израел да му се забрани учеството на претстојните Олимписки игри во француската престолнина, јавува Анадолу.

Демонстрантите се собраа пред седиштето на Организациониот одбор на Летните олимписки игри, кои ќе се одржат во Париз од 26 јули до 11 август годинава.

Со пораки за поддршка на палестинскиот народ и пораки за осуда на израелските напади врз Газа, демонстрантите повикаа и на дисквалификација на Израел од Олимпијадата.

„Слобода за Газа, слобода за Палестина“, „Бојкот на Израел“, „Макрон соучесник“, се дел од слоганите што ги извикуваа демонстрантите.

На транспарентите беа истакнати пораките „Стоп за геноцидот“, „На Олимпијадата нема место за протагонисти на геноцид“ и „За Израел златен медал за геноцид“.