Emre Gürkan Abay
26 Септември 2022•Ажурирај: 28 Септември 2022
МОСКВА (АА) - Рускиот бизнисмен Евгениј Пригожин, познат како „готвачот на Кремљ“, за првпат соопшти дека на 1 мај 2014 година, поради конфликтите во Донбас, ја основал руската безбедносна компанија „Вагнер“, пренесува Агенција Анадолија (АА).
Во писмената изјава на компанијата „Конкорд“, која е во сопственост на Пригожин, има информации во врска со формирањето на Вагнер.
Пригожин нагласи дека отишол во регионот поради конфликтот во Донбас во источна Украина во 2014 година.
„Го исчистив старото оружје, сам ги поправив панцирните елеци и се сретнав со експерти кои можат да помогнат во овој поглед. Од тој момент, на 1 мај 2014 година, се појави група патриоти која подоцна беше преименувана во Вагнер“, додаде тој.
Според него, групата ја променила судбината на Луганск и Доњецк.
Пригожин истакна дека покрај во Сирија, Вагнер дејствува и во други арапски земји, во Африка и Латинска Америка.
