Поројните дождови поплавија илјадници кампови во кои се засолнија Палестинците во Газа

ГАЗА (АА) - Поројните дождови во Појасот Газа го влошија страдањето на стотици илјади раселени Палестинци кои засолниште од израелските бомбардирања пронајдоа во шатори, пренесува Анадолу.

Дождот што паѓа од петокот, поплави илјадници кампови оставајќи голем број Палестинци без облека и ќебиња.

Портпаролот на Палестинската цивилна заштита, Мухамед Басал, за Анадолу изјави дека поројните дождови поплавија голем број подрачја во Појасот Газа.

„Примивме повеќе од 1.000 пријави за поплавени шатори и куќи во различни подрачја на Газа. Она што ја отежнува работата на цивилната одбрана е недостаток на потребни количества гориво за работата на пумпите за дождовница и преместување на спасувачките возила во поплавените подрачја“, рече Басал.

Тој додаде дека по поплавите, голема е веројатноста за ширење на болести.

Хосни Мухана, координатор на Заедницата на општианта Појас Газа, укажа на појавата на дождовница помешана со канализација во подрачјата северно од градот Газа.