Полиција распоредена околу иранскиот Конзулат во Париз, каде маж се заканува дека ќе се разнесе

ЖЕНЕВА (АА) – Машко лице, кое се заканува дека ќе се разнесе, моментално се наоѓа во зградата на иранскиот Конзулат во Париз, објави денес францускиот радиоканал Европа 1, пренесува Анадолу.

Според објавеното, полицијата го опколила Конзулатот, а мажот, кој носи појас со експлозив, се заканил дека ќе го активира.

Како дел од безбедносните мерки стопирана е блиската линија на метрото.

Мотивите на лицето во оваа фаза остануваат непознати, а инспекторите бараат начини да утврдат дали појасот со експлозив е вистински.