Пожар во зграда во Индија: Загинаа 6 лица

АНКАРА

Шест лица го загубија својот живот, додека 11 лица се повредени во пожарот кој избувна во зграда во индискиот главен град Њу Делхи, пренесува Anadolu Agency (AA).

Според веста на тв-каналот НДТВ (NDTV), околу 2:00 часот по локално време избувна пожар поради краток спој во четирикатна зграда во подрачјето на Закир Нагар.

Властите соопштија дека во пожарот смртно настрадале 6 лица, од кои 2 деца, додека 11 лица биле повредени, меѓу кои двајца пожарникари.

Се вели дека спасени се 20 лица кои за време на пожарот се наоѓале во зградата.

Од пожарот, оштетени се 7 возила и 19 мотоцикли кои се во неупотреблива состојба.