Поддржувачите на терористичката организација ПКК/ЈПГ продолжуваат со провокации во Шведска

СТОКХОЛМ (АА) - Поддржувачите на терористичката организација ПКК/ЈПГ во Шведска продолжуваат со провокации кон Туркије, јавува Агенција Анадолија (АА).

Група поддржувачи на терористичката организација ПКК/ЈПГ се собраа пред историската општинска зграда во шведскиот главен град Стокхолм.

Тие обесија за носе една кукла која наликува на турскиот претседател Реџеп Таип Ердоган на бандера, и видеоснимките од овие моменти ги објавија на социјалните мрежи.

Видеото беше споделено на профилите на социјалните мрежи поврзани со терористичката организација ПКК/ЈПГ, на која со титл на турски јазик упатија закани со кои ги таргетираа Ердоган и Туркије.

Привлекоа внимание и навредливите коментари на објавата на која се вели дека на 21 јануари во Стокхолм ќе се одржи демонстрација против членството во НАТО.

Поддржувачите на терористичката организација ПКК/ЈПГ на 21 ноември 2022 година проектираа снимки на зградата на Амбасадата на Туркије во Стокхолм, кои содржеа навреди кон Ердоган и пропаганди за оваа терористичка организација.

По ова, шведскиот амбасадор во Анкара, Стафан Херстром, беше повикан во Министерството за надворешни работи на Туркије.