Dildar Baykan Atalay
28 Декември 2023•Ажурирај: 29 Декември 2023
ЊУЈОРК (АА) - Обединетите нации (ОН) соопштија дека состојбата со човековите права на Западниот Брег се влошува и го повикаа Израел да престане со убивањето Палестинци, јавува Анадолу.
Високиот комесаријат за човекови права на ОН објави извештај во кој се оценува хуманитарната ситуација на окупираниот Западен Брег, вклучително и Источен Ерусалим/Ал Кудс.
Во извештајот е упатен апел за итно запирање на употребата на воено оружје и операциите на израелските безбедносни сили во регионот.
Исто така, побарано е да се запре „незаконското затворање и злоупотреба на Палестинците“.
Во извештајот се наведува дека 300 Палестинци, меѓу кои 79 деца, се убиени на Западниот Брег во периодот од 7 октомври до 27 декември.
Како што беше посочено, израелските војници убиле 291 лице, илегалните еврејски доселеници девет, а едно лице е убиено од војници или доселеници.
