ОН: Тежок удар за правата на жените во Авганистан

ЖЕНЕВА (АА) - Високиот комесаријат за човекови права на Обединетите нации (ОН) објави дека одлуката на Администрацијата на Талибанците да го прекине универзитетското образование на студентките во Авганистан е против меѓународното право, јавува Агенција Анадолија (АА).

Комесарот за човекови права на ОН, Волкер Турк, во својата писмена изјава рече дека ваквата практика е тежок удар за правата на жените во Авганистан и нагласи дека оваа одлука претставува „тажен чекор наназад за целата земја“.

Истакнувајќи дека систематското исклучување на жените од општествениот живот е спротивно на иновациите и развојот во светот, Тирк нагласи дека работата на жените, кои би можеле да бидат кандидати за многу доктори, учителки и правници, е залудна.

„Суспендирањето на учеството на жените во средното и високото образование е јасно кршење на обврските на Авганистан според меѓународното право“, нагласи Турк.

Повикувајќи ги талибанските власти да ја повлечат оваа одлука, Турк додаде: „Пристапот на жените до образование на сите нивоа и без дискриминација е основно и несомнено право.“

Администрацијата на Талибанците вчера соопшти дека со одлуката на Советот на министри е суспендирано образованието на жените на универзитетите до понатамошно известување.