Muhammed Sabry
02 Ноември 2023•Ажурирај: 03 Ноември 2023
ГАЗА (АА) - Канцеларијата на Обединетите нации за координација на хуманитарни прашања (OCHA) објави дека израелската копнена операција на северниот дел на Појасот Газа ја оневозможува испораката на хуманитарна помош за околу 300.000 раселени Палестинци, јавува Анадолу.
Израелската војска ги прошири своите воздушни и копнени напади на блокираната територија, на која се извршени немилосрдни воздушни напади од 7 октомври.
„Израелската копнена операција во северниот дел на Газа ја попречува испораката на хуманитарна помош за околу 300.000 раселени лица“, соопшти Канцеларијата на ОН за координација на хуманитарни прашања.
Болницата за турско-палестинско пријателство, единствената јавна болница за лица болни од рак во Појасот Газа, престана со работа вчера поради израелските напади и недостигот на гориво.
„Главната болница за лица болни од рак во Газа остана без гориво и беше принудена да ги прекине своите услуги, доведувајќи ги во опасност животите на 70 пациенти болни од рак“, соопшти OCHA.
Покрај големиот број жртви и масовното раселување на луѓето, основните резерви се при крај за 2,3 милиони жители на Газа, како последица на израелската опсада.
Израелската војска ги прошири своите воздушни и копнени напади врз Појасот Газа, кој е под немилосрдни воздушни напади откако палестинската група Хамас започна ненадејна офанзива против Израел на 7 октомври.
Во израелските напади на Појасот Газа во изминатите 24 часа се убиени уште 265 Палестинци, со што вкупниот број е зголемен на 9.061, објави денес палестинското Министерство за здравство. Истовремено се убиени 1.538 Израелци.
