Од труење со алкохол починаа 11 лица на Филипини

АНКАРА

Починаа 11 лица затруени од алкохол во подрачјето на Лагуна, јужно од Манила, главниот град на Филипини, пренесува Агенција Анадолија (АА).

Според веста што ја објави филипинскиот „Инкирер њуз“ („Inquirer News“), полковникот Елеазар Мата, началник на безбедноста на Лагуна, соопштил дека 11 лица, коишто пиеле вино од индиско оревче, починале.

Полковникот Мата информираше дека викендов 301 лице, кои на различни места консумирале вино од индиско оревче, се префрлени во болница.

Во извештајот што го објави полицијата на Лагуна се наведува дека е започната истрага за сопственикот на застапништвото за продажба на споменатиот алкохол.

Гувернерот на Лагуна, Рамил Ернандес, привремено ја забрани продажбата на вино од индиско оревче.