Од почетокот на годината досега на брегот на Тунис пронајдени над 900 тела на мигранти

ТУНИС (АА) - Од почетокот на оваа година досега на брегот на Тунис се пронајдени повеќе од 900 тела на нерегуларни мигранти, пренесува Анадолу.

Министерот за внатрешни работи на Тунис, Кемал ал-Фики, во своето обраќање во Парламентот рече дека 36 од 901 тело пронајдени на брегот на Медитеранот биле државјани на Тунис. Од пронајдените тела, 267 се на странски државјани, а не е можно да се утврди идентитетот на другите.

Ал-Фики истакна дека во истиот период се спасени 15.327 луѓе.

Тој нагласи дека ќе бидат одлучни во заштитата на копнената граница, со цел да се намали бројот на Африканци кои сакаат да преминат во Европа.

Секоја година илјадници нерегуларни мигранти од Африка доаѓаат во Тунис и потоа преку Медитеранот да стигнат до Европа во надеж за подобар живот.

Некои од мигрантите од субсахарските африкански земји, кои со години живеат во мигрантските квартови на Тунис, успеваат да дојдат до Европа, но дел од нив умираат во водите на Медитеранот.