Нигерија: Во нападот на Боко Харам загинаа 18, повредени 21 лице

АБУЏА

Во нападот на терористичката организација Боко Харам во североисточниот дел на Нигерија загинаа 18 лица, додека 21 лице се повредени, пренесува Агенција Анадолија (АА).

Гувернерот на нигериската сојузна држава Борно, Бабагана Зулум, истакна дека по нападот на припадниците на Боко Харам во зоната Дамасак го посетил ова место.

Тој рече дека како резултат на нападот смртно настрадале 18 лица, додека 21 лице се повредени.

Зулум нагласи дека за време на оваа посета на Војската ѝ се предадени 12 безбедносни возила за борба против Боко Харам.

Од друга страна, портпаролот на нигериската Војска, Мухамед Јерима, соопшти дека Војската извршила воздушни и копнени операции против Боко Харам во зоната Мобар при Борно.

Јерима информира дека во рамки на операциите убиени се голем број припадници на Боко Харам, а уништени се и упориштата на терористите.

Инаку, во колективните акти на тероризам, што од 2009 година досега ги изврши терористичката организација Боко Харам во Нигерија, загинаа над 20.000 лица.