Нигер: Во пожар во училиште загинаа 20 деца

НИАМЕЈ (АА) - Најмалку 20 деца, главно на предучилишна возраст, загинаа во пожар кој се случи во сиромашниот дел на Ниамеј, главниот град на западноафриканската државата Нигер, објавија локалните медиуми, пренесува Агенција Анадолија (АА).

„Во пожарот се уништени 20 одделенија во колибите од трска, а за жал починаа 20 деца“, изјави полковникот Сиди Мохамед, шеф на пожарникарите.

Началникот на пожарникарната служба, Бако Боубакар, изјави дека меѓу загинатите поголемиот дел биле мали деца.

Училиштето во кое изби пожарот се наоѓа на југоисточната периферија на Ниамеј, недалеку од аеродромот.

Премиерот Оухомоудоу Махамадоу го посети местото на настанот и пренесе сочуство од Владата до семејствата на загинатите деца.

Училиштето во густо населениот кварт Пајс Бас има околу 800 ученици, вклучувајќи деца кои оделе во градинка.