Најскапиот автомобил на светот „Бугати“ продаден за 16,7 милиони евра

ЖЕНЕВА (АА) - Најскапиот автомобил во историјата на луксузните спортски модели на „Бугати“ („Bugatti“) е продаден за 16,7 милиони евра, јавува Anadolu Agency (AA).

Kupe Voiture Noire (Црн автомобил) е ниско спортско возило со 16-цилиндричен мотор, единствен во автомобилскиот свет со конфор на луксузна лимузина.

Компанијата „Бугати“ овој модел го претстави неделава, на Саемот на автомобили во Женева, а денеска објави дека е продаден по рекордна цена за нови автомобили.

Идентитетот на купецот не е откриен, но јасно е дека оваа продажба дополнително ќе го поправи имиџот на „Бугати“ како произведувач на луксузни автомобили.

„Вистински облик на индивидуалност“, рече Стефан Винкелман, претседателот на „Бугати“, компанијата која е во сопственост на групацијата „Волксваген“ („Volkswagen Group“).