Најмалку четворица Палестинци се убиени во израелски напад врз бегалскиот камп Нусејрат во Газа

ГАЗА (АА) - Израелската Армија повторно изврши напад врз бегалскиот камп Нусејрат во Газа, во кој се убиени најмалку четворица Палестинци, јавува Анадолу.

Убиените Палестинци со приватни возила беа пренесени во болницата Ал-Авде во централниот дел на Газа, каде што членовите на семејството, меѓу кои и деца, во солзи се простија од своите најблиски.

Бројот на убиени Палестинци во нападите на израелската Армија врз Појасот Газа од 7 октомври 2023 година се искачи на 40.139, соопшти Министерството за здравство во Газа.

Израел, прекршувајќи ја резолуцијата на Советот за безбедност на Обединетите нации со која се бара итен прекин на огнот, се соочи со меѓународна осуда поради неговата континуирана брутална офанзива врз Газа од 7 октомври.

Повеќе од 10 месеци од почетокот на израелската војна, огромни делови од Газа се во урнатини, каде што постои блокада на храна, чиста вода и лекови.

Израел е обвинет за геноцид пред Меѓународниот суд на правдата (МСП), кој му нареди веднаш да ја прекине својата воена операција во јужниот град Рафа, каде што повеќе од еден милион Палестинци побараа засолниште од војната пред да започне копнената офанзива врз градот на 6 мај.