Бројот на загинати се зголеми на 22, а 16 се повредени, при уривањето на две згради во Фес, во северниот дел на Мароко, известува Анадолу.

Мароканската државна телевизија „Канал 2“ објави дека две соседни згради, во кои живееле 8 семејства, во населбата Мустакбел, во Фес, се урнале во вторникот вечерта.

Во несреќата животот го загубиле 22 лица, а 16 се повредени.

Безбедносните сили и тимовите за цивилна одбрана продолжуваат со операциите за пребарување и спасување. Областа околу урнатите згради е блокирана од безбедносни причини, а евакуирани се жителите на соседните згради.

Сè уште не е дадено официјално соопштение во врска со причината за уривањето на зградите.