Ekip
08 Декември 2021•Ажурирај: 09 Декември 2021
ЊУ ДЕЛХИ
Началникот на Генералштабот на Армијата, генерал Бипин Рават и неговата сопруга се меѓу 13-те лица кои загинаа во хеликоптерската несреќа во јужната држава Тамил Наду, соопшти индиското воздухопловство, јавува Агенција Анадолија (АА).
Според воздухопловните сили, Рават бил на пат кон Воениот колеџ, Велингтон, во Тамил Наду, за да им се обрати на студентите на факултетот, а инцидентот се случил во близина на Конор во Тамил Наду.
„Денеска околу пладне, хеликоптер ИАФ Ми 17 В5 со екипаж од 4 члена што пренесувал службеници на Генералштабот на Армијата и 9 други патници се соочи со трагична несреќа во близина на Кунур, ТН“, соопштија од воздухопловните сили. „Со длабоко жалење, констатирано е дека генералот Бипин Рават, г-ѓа Мадулика Рават и уште 11 лица кои се наоѓале во хеликоптерот, загинале во трагичната несреќа.“
Висок службеник од Генералштабот на Армијата моментално се лекува во Воената болница во Велингтон.
Претходно воздухопловните сили објавија на Твитер: „Наредена е истрага за да се утврдат причините за несреќата.“
Индискиот министер за одбрана, Рајнат Синг, кој се очекува да го информира Парламентот в четврток, ја посети и резиденцијата на Рават во главниот град Њу Делхи.
Рават беше назначен за прв началник на Генералштабот на Индија во 2019 година, позиција воспоставена за координација меѓу трите вооружени служби на земјата - Армијата, морнарицата и воздушните сили.
