НАТО ја одржува годишната вежба за нуклеарно одвраќање во северозападна Европа

БРИСЕЛ (АА) - Десетици авиони од земјите членки на НАТО учествуваа на годишната вежба за нуклеарно одвраќање „Стидфест Нун“ во северозападна Европа, пренесува Агенција Анадолија (АА).

„Вежбата на НАТО „Стидфест Нун“ е рутинска годишна вежба. Во неа учествуваат 14 земји и повеќе од 60 авиони од различни типови“, соопшти Воздухопловната команда на НАТО.

Во вежбата која започна на 17 октомври и трае до 30 октомври учествуваат и танкери и борбени авиони од четвртата и петтата генерација.

Генералниот секретар на НАТО, Јенс Столтенберг, на 13 октомври рече дека долго планираната рутинска вежба гарантира нуклеарните капацитети на Алијансата да останат безбедни, сигурни и ефективни.

„Одвраќањето е начин да се спречи каков било напад врз сојузник на НАТО и да се зачува мирот“, додаде Столтенберг.