НАТО: Заедно со британските и германските, американските тенкови ќе направат разлика на теренот во корист на Украина

БРИСЕЛ (АА) – Генералниот секретар на НАТО, Јенс Столтенберг, изјави дека тенковите што САД ќе ѝ ги дадат на Украина, заедно со тенковите што ќе ги испратат Германија и Велика Британија, можат да направат сериозна разлика на теренот против Русија, пренесува Агенција Анадолија (АА).

Столтенберг на социјалните мрежи ја поздрави одлуката на американската администрација за испорака на тенкови „Абрамс“ на Украина.

Наведувајќи дека е задоволен од одлуката на американскиот претседател Џо Бајден и администрацијата во врска со тенковите „Абрамс“, Столтенберг наведе дека сојузниците на НАТО се обединети во поддршката на самоодбраната на Украина.

„Заедно со британскиот „Челинџер“ и германскиот „Леопард 2“, тие би можеле да направат сериозна разлика во војната против Русија“, рече Столтенберг.

Високи американски претставници најавија дека на Украина ќе ѝ бидат испорачани 31 тенк „М1 Абрамс“ и 8 оклопни возила М88 за спасување тенкови.

Германската Влада исто така најави дека на Украина ќе ѝ испорача ескадрила од 14 тенка „Леопард 2 А6“ и на другите земји ќе им одобри да испратат тенкови од германско производство во Украина.