Напад на пазар во Идлиб: Загинаа четири, а повредени се 15 лица

ИДЛИБ (АА) - Најмалку четири лица загинаа, а 15 се повредени при воздушен напад на пазар во сирискиот Идлиб, јавува Anadolu Agency (AA).

Нападот е извршен од страна на воените авиони на сириската армија. Според податоците на цивилната заштита, авионот од типот Су-24 извршил напад во североисточниот дел на Идлиб, во областа која е под контрола на сириската опозиција.

Потврдиено е дека загинале четири цивили, а повредени се 15. Нападот бил извршен на пазар за добиток при што се усмртени десетици овци. Исто така уништена е и инфраструктурата, а жителите останаа без струја и вода.

Воените авиони на сириската армија во последно време интензивно ги бомбардираат областите во Идлиб, кои се под контрола на опозицијата.