Над илјада демонстранти побараа промена на името на плоштадот Маршал Тито во Загреб

ЗАГРЕБ (АА) - Повеќе од илјада луѓе се собраа по десетти пат, под раководство на Здружението "Krug za trg" на плоштадот Маршал Тито во Загреб со порака дека Тито бил масовен убиец и диктатор чие име не треба да го носи ниту еден плоштад и улица во Хрватска, јавува Anadolu Agency (AA).

Здружението "Krug za trg" со години се обидува да го отстрани името на Тито од хрватските улици и плоштади, особено името на плоштадот Маршал Тито, како што се нарекува плоштадот пред Националниот театар на Хрватска во Загреб.

Тие бараат плоштадот да го врати старото име театар плоштад, "Kazališni trg", или да се именува како Плоштад на хрватскиот народ или Хрватски плоштад.

Претседателот на Здружението "Krug za trg", Анте Бељо порача дека овој плоштад е симбол на југословенскиот тоталитаризам и дека во Хрватска се уште има негови поддржувачи.

"Ние не сме ни партизани ниту пак фашисти, ние сме оние кои ја создале и се бореле за оваа земја", рече Бељо.

Роман Лељак, авторот на книгата "Худа Јама", изјави дека во Словенија во мај и јуни 1945 година од страна комунистите а по наредба на Тито, биле убиени 40.000 Хрвати.

Присутните демонстранти побараа да се спроведе парламентарна декларација за осуда на комунизмот и Европска резолуција за осуда на сите тоталитарни режими.