На грчкиот остров Санторини од 1 февруари регистрирани 1.440 земјотреси

Околу 1.440 земјотреси се регистрирани на грчкиот остров Санторини во јужниот дел на Егејското Море од 1 февруари, соопшти грчкиот Институт за геодинамика, јавува Анадолу.

Од нив, околу 440 биле над 3 степени според Рихтеровата скала, а 73 биле над 4 степени според Рихтеровата скала, се додава.

На островот, исто така, забележани се 45 потреси во текот на денешниот ден, вклучително и два потреса над 4 степени според Рихтеровата скала и 10 над 3 степени по Рихтеровата скала.

Во Атина се одржа итен состанок со кој претседаваше премиерот Киријакос Мицотакис, на кој присуствуваа и министерот за цивилна заштита Василис Кикилијас и експерти.

На состанокот, Ефтимиос Лекас, истакнат геолог и шеф на државната Агенција за планирање и заштита од земјотреси, предупреди на висок ризик од лизгање на земјиштето на островот поради потресите.

Костас Папазахос, истакнат експерт за геофизика и сеизмологија, на состанокот рече: „Се чини дека ситуацијата се движи кон подобро сценарио во однос на сеизмичката активност“, повикувајќи ги жителите на островот да останат смирени.

По презентациите на експертите, премиерот Мицотакис изјави дека денес се малку пооптимисти од вчера.