Ekipa
26 Февруари 2017•Ажурирај: 27 Февруари 2017
МОСКВА (АА) - Голем број граѓани од Москва утрово со полагање венеци на мостот „Болшој Мокворетски“ му оддадоа почит на убиениот лидер на рускиот опозиционер Борис Немцов во 2015 година, јавува Anadolu Agency (AA).
Голем број жители на главниот град на Русија положија венеци на мостот пред Кремљ, одбележувајќи ја втората годишнина од убиството на поранешниот шеф на руската опозиција, Немцов.
Формално, втората годишнина од убиството на Немцов ќе биде одбележана утре, додека полицијата во Москва од утринава спроведува засилени безбедносни мерки во градот.
Немцов беше застрелан и убиен одблизу од неидентификувана група напаѓачи на 27 кон 28 февруари 2015 година.
Тој беше убиен во близина на Кремљ, додека шеташе со пријателката Ана Џуричко (25), манекенка од Киев.
Станува збор поранешен руски либерален политичар и научник кој кон крајот на 90-тите години на минатиот век беше заменик-премиер на Русија и еден од поблиските соработници на тогашниот претседател Борис Елцин.
Тој подоцна стана еден од најгласните критичари на политиката на рускиот претседател Владимир Путин.
