ИСТАНБУЛ (АА) - Бројот на цивилни жртви во нападите на терористичката организација ПКК/ЈПГ, која дејствува под називот СДФ во сириски Алепо, се искачи на пет, а 33 лица се повредени, соопшти денес сириското Министерство за здравство, јавува Анадолу.

Денес трет ден СДФ гранатираа станбени населби во градот, принудувајќи стотици цивили да бегаат.

Според Сириската арапска новинска агенција (САНА), нападите се насочени кон станбени области во градот, а од снајперскиот оган биле ранети цивили во населбата Шеик Максуд.

Сириската армија почна да одговара на огнот на СДФ во двата округа, објавија сириските медиуми.

На 10 март 2025 година сириското Претседателство објави потпишување договор за интеграција на СДФ во државните институции, потврдувајќи го територијалното единство на земјата и отфрлајќи ги сите обиди за поделба.

Сириските власти велат дека оттогаш СДФ не покажала никакви напори за исполнување на условите од договорот.

Сириската Влада ги интензивираше напорите за одржување на безбедноста низ целата земја по соборувањето на режимот на Башар ал-Асад на 8 декември 2024 година, кој беше на власт 24 години.