АНКАРА (АА) - Министерот за национална одбрана на Турција, Јашар Ѓулер, го пречека британскиот премиер Кир Стармер, кој е во посета на Турција, известува Анадолу.

Министерот Ѓулер го пречека Стармер, кој е во официјална посета на Анкара на покана на претседателот Реџеп Таип Ердоган, во командата на воздухопловното поле Муртед.

Премиерот Стармер го придружуваат британскиот министер за одбрана Џон Хили и командантот на британските воздухопловни сили, генерал Харв Смит.

Се дознава дека британскиот премиер Стармер треба да го информира претседателот Ердоган за статусот на преговорите меѓу Турција и Велика Британија во врска со купувањето на борбениот авион „Јурофајтер тајфун“.