Месец по ерупцијата: Вжарената лава и понатаму се слева низ Етна

КАТАНИЈА (АА) - Југоисточниот кратер на најактивниот европски вулкан Етна и понатаму исфрла вжарена лава и пепел, јавува Anadolu Agency (AA).

Потоци од вжарена вулканска лава и понатаму се слеваат и до 700 метри по југоисточниот кратер на планината и привлекуваат внимание.

За подрачјето околу вулканот, и понатаму е на сила портокаловиот аларм, кој во март беше прогласен од страна на надлежниот италијански Национален институт за геофизика и вулканологија (ИНГВ).

Вулканот Етна се активираше минатиот месец, а во ерупциите се повредени најмалку десет лица, меѓу кои и репортерската екипа на BBC (Би-би-си).

Главниот кратер на најголемиот вулкан во Европа, Етна, достигнува надморска височина од 3.330 метри, а југоисточниот кратер се издигнува до 2.700 метри над нивото на морето. Последната голема ерупција на вулканот Етна беше забележана во 1992 година.