Медиуми: Во војната против Иран повредени 373 американски војници

Вкупно 373 припадници на американската армија се повредени во воените операции против Иран заклучно со вчерашниот ден, се наведува во најновиот извештај, пренесува Анадолу.

Американската телевизиска мрежа Ес-би-ес њуз, повикувајќи се на портпаролот на Централната команда на САД (ЦЕНТКОМ), објави дека досега околу 330 од нив веќе се вратиле на должност, а петмина биле сериозно повредени.

Регионалните тензии ескалираа по заедничката американско-израелска офанзива врз Иран што започна на 28 февруари, во која загинаа повеќе од 1.400 луѓе, меѓу кои и тогашниот врховен лидер ајатолахот Али Хамнеи.

Техеран возврати со напади со беспилотни летала и ракети насочени кон Израел, Јордан, Иран и земјите од Персискиот Залив каде што се наоѓаат американски воени бази, предизвикувајќи жртви и штета на инфраструктурата, истовремено нарушувајќи ги глобалните пазари и авиосообраќајот.