ВАШИНГТОН (АА) — Мајк Валц, советникот за национална безбедност на САД, кој беше критикуван откако „погрешно“ додал американски новинар во групата „Сигнал“ каде биле споделувани воените планови за Јемен, најави дека ќе ја напушти функцијата, известува Анадолу.

Според вестите објавени во американските медиуми и врз основа на неименувани извори од Белата куќа, Валц ја напушта функцијата.

Во веста што првично ја објави CBS News, се вели дека советникот за национална безбедност Валц и неговиот заменик Алекс Вонг ги напуштаат своите функции.

Белата куќа сè уште не даде официјална изјава за ова прашање.

Валц „по грешка“ го додаде американскиот новинар Џефри Голдберг во групата „Сигнал“ каде што беа споделувани воените планови за Јемен и стана фокус на критики по откривањето на инцидентот.

Американскиот претседател Доналд Трамп рече дека Валц „направил грешка“, дека од „инцидентот не треба да се прави голема работа“ и дека е „задоволен од својот советник“.