Yusuf Özcan
11 Април 2022•Ажурирај: 12 Април 2022
ПАРИЗ (АА) - Францускиот претседател Емануел Макрон, кој победи во првиот круг од претседателските избори во земјата одржани вчера, рече дека не сака Франција која ќе има само меѓународни популисти и ксенофоби како единствени сојузници, јавува Агенција Анадолија (АА).
Макрон ја даде изјавата на настан во Париз по објавувањето на резултатите од изборите.
Заблагодарувајќи им се на градоначалничката на Париз, Ан Идалго, кандидатката за претседател од Социјалистичката Партија на Франција, на Валери Пекрес, кандидатката на централнодесничарската Републиканска партија и на кандидатката за претседател на француската Комунистичка Партија, Фабиен Русел, за нивната поддршка во првиот круг, тој рече: „Да не се залажуваме. Ништо не е решено и дебатата која ќе ја имаме во наредните денови е одлучувачка за нашата земја и нашата Европа“.
„Јас не сакам една Франција, која напуштајќи ја Европа како единствени сојузници ќе ги има само меѓународните популисти и ксенофоби“, рече тој мислејќи кандидатката на екстремната десница Марин Ле Пен, која заврши втора на изборите.
„Ова не сме ние. Јас сакам Франција верна на хуманизмот, на духот на просветеноста“, додаде тој.
Макрон истакна дека Франција треба да остане независна на полето на економијата, климата и земјоделството.
Според излезната анкета на ИПСОС, Макрон освоил 28,1 процент од гласовите наспроти 23,3 проценти колку што освои Ле Пен. Проценките на компанијата за анкети Elabe’s“ покажаа дека Макрон освоил 28,5 проценти од гласовите, додека Ле Пен 24,2 проценти.
Макрон и Ле Пен треба да се соочат во вториот круг од претседателските избори кој ќе се одржи на 24 април.
