КАРАКАС (АА) - Пред регионалните избори во Венецуела десетици илјади луѓе излегоа на улиците во главниот град Каракас, известува Анадолу.

Претседателот Николас Мадуро се приклучи на маршот што се одржа во славеничка атмосфера и прошета со своите поддржувачи.

Првпат гласачите во регионот Есекибо, кој има долгогодишен спор за суверенитет со Гвајана, истовремено ќе гласаат и за гувернер и за локални советници.

Спорот за регионот Есекибо помеѓу Венецуела и Гвајана датира од периодот пред независноста на Гвајана.

Во времето кога Гвајана била британска колонија, реката Есекибо била означена како западна граница на Гвајана со одлуката за гранична арбитража од 1899 година.

Сепак, Гвајана, која стекна независност во 1966 година и се приклучи на Британскиот Комонвелт во 1970 година, не ја призна оваа граница и регионот Есекибо го прогласи за свој.

Регионот Есекибо, или Гвајана Есекиба, во Централна Гвајана, се наоѓа западно од реката Есекибо, на север од земјата.

Се наведува дека регионот е исклучително богат со природни ресурси.