Мадрид: Повеќе илјади лица трчаа облечени во костими на Дедо Мраз

МАДРИД (АА) - Во Мадрид, главниот град на Шпанија, се одржа трката на дедо мразовци, во која се тркаа неколку илјади учесници, јавува Anadolu Agency (AA).

Неколку илјади луѓе од сите генерации и пол, ја истрчаа патеката во должина од 5,5 километри. Меѓу дедо мразовците имаше и деца облечени во зелени костими на џуџиња.

Трката на дедо мразовци секоја година се организира од различни причини, а организаторите тврдат дека е најголема од тој вид во светот.

Приходот од овогодишната трка ќе биде дониран на невладина организација која се залага за борба против карциномот.