Луизијана, првата американска држава во која лековите за абортус се категоризирани како забранети супстанции

АНКАРА (АА) - Луизијана стана првата американска држава што усвои закон со кој лековите за абортус се класифицираат како забранети супстанции, објавија денес локалните медиуми, пренесува Анадолу.

Новиот закон кој стапува на сила на 1 октомври, потпишан од гувернерот Џеф Ландри, го прави кривично дело поседувањето таблети за абортус без рецепт, со што се прошируваат ограничувањата во оваа сојузна држава која веќе има речиси целосна забрана за прекин на несаканата бременост.

Меѓутоа, исклучок се бремените жени кои имаат таблети за лична употреба.

Законот исто така воведува и казни за принудни абортуси, со построги казни за жените кои се бремени повеќе од три месеци.

Лекот мифепристон првпат е одобрен за употреба за олеснување на абортусот во Франција во 1988 година, а сега е одобрен во повеќе од 90 земји.