Burç Eruygur
21 Ноември 2022•Ажурирај: 23 Ноември 2022
ИСТАНБУЛ (АА) - Кремљ не ја разгледува можноста за втор бран воена мобилизација во Русија, изјави портпаролот на Кремљ, Дмитриј Песков, јавува Агенција Анадолија (АА).
Песков рече дека Русија сака да ги постигне своите цели во рамките на „специјалната воена операција“ и дека ќе ги постигне.
Тој, исто така, истакна дека промената на власта во Киев не е цел на „специјалната воена операција“, истакнувајќи дека Москва ги повикува другите земји да влијаат на Украина да престане со гранатирање на нуклеарната централа Запорожје.
Москва и Киев вчера меѓусебно се обвинија за гранатирање објекти во нуклеарната централа.
Песков исто така најави дека рускиот претседател Владимир Путин се подготвува да присуствува на самитот на Евроазиската економска унија во Бишкек на 9 декември и дека тој има намера да има одвоена средба со ерменскиот премиер Никола Пашинјан.
Путин претходно овој месец изјави дека 318.000 луѓе се регрутирани како дел од делумната воена мобилизација во земјата, од кои 49.000 веќе се во борбени мисии во Украина.
Од 21 септември до 28 октомври Русија изврши делумна воена мобилизација.
