Конзерваториум за пеперутки во паркот „Нијагара“ – еден од најголемите во Северна Америка

ОНТАРИО (АА) – Конзерваториумот за пеперутки, сместен во паркот „Нијагара“ во Онтарио, Канада, е една од најголемите атракции од ваков вид во Северна Америка, јавува Анадолу.

Овој уникатен простор, кој е креиран во 1996 година, веднаш стана омилено место на посетителите од целиот свет.

Конзерваториумот е дом на повеќе од 2.000 пеперутки од различни делови на планетата, кои слободно летаат во тропската оаза полна со водопади, високи растенија и шарени цветови.

Покрај тоа што е природно засолниште, конзерваториумот има и важна образовна улога, подигнувајќи ја свеста за значењето на пеперутките и зачувувањето на нивните живеалишта.

Во изминатите години милиони луѓе го посетија овој извонреден објект што претставува еден од симболите на паркот „Нијагара“.