Катарскиот премиер Ал Тани: Тврдењата за враќање на Сирија во Арапската лига се шпекулации

ДОХА (АА) - Тврдењата за враќање на Сирија во Арапската лига се само шпекулации, изјави катарскиот премиер Мохамед бин Абдулрахман Ал Тани, пренесува Анадолу.

Ал Тани во интервју за националната телевизија рече дека првичните причини за суспензијата на членството на Сирија сè уште постојат.

„Сето тоа се шпекулации за враќање на Сирија во Арапската лига, а одлуката е на сирискиот народ“, рече тој.

Доха го повлече својот амбасадор од Дамаск во 2011 година и ги прекина дипломатските односи со Владата на Башар ал Асад по смртоносното задушување на продемократските протести во Сирија.

Некои медиуми последните недели објавија дека Сирија би можела да биде поканета на Самитот на Арапската лига во Саудиска Арабија следниот месец.

Сирија во последните месеци почна да разменува официјални посети и контакти со неколку арапски држави поради извештаите за можно враќање на Сирија во членството во Арапската лига со седиште во Каиро.