Иран заплени брод кој пренесувал шверцувано гориво

ИСТАНБУЛ - Иран соопшти дека поради транспорт на криумчарено гориво, во Персискиот залив е запленет брод кој пловел под странско знаме, додавајќи дека е приведен и екипажот на бродот, пренесува Агенција Анадолија (АА).

Муџатаба Кахрамани, официјално лице на вишиот суд во Хормуздан, информираше дека во Персискиот залив е спроведена акција во брод за да се утврди каков транспорт пренесува, објави новинската агенција ИРНА.

Кахрамани во веста вели дека во акцијата спроведена од страна на Поморските сили на Револуционерната гарда на Иран се запленети 11 милиони литри шверцувано гориво. Во операцијата е запленет бродот со кој е вршен транспортот, а приведен е и екипажот, вклучувајќи го и капетанот.