Индонезија: Во околината на вулканот Агунг прогласен втор степен на опасност

ЏАКАРТА (АА) - Со зголемувањето на вулканските и тектонските активности на вулканот Агунг, на островот Бали во Индонезија, прогласен е втор степен на опасност, јавува Anadolu Agency (AA).

Во соопштението на Индонезиската национална агенција за справување со природни катастрофи (БНПБ) се истакнува дека е зголемен степенот на опасност по појавата на активност на вулканот Агунг, која трае веќе една недела.

До населението е упатен повик да остане на оддалеченост од најмалку шест километри од вулканот, а забрането е движење во неговата околина.

Се додава дека се евакуирани десетици селани кои живеат во близина на вулканот.

Вулканот последен пат еруптираше во 1963 година, кога настрадаа околу 1.100 лица.