Esat Fırat
26 Мај 2024•Ажурирај: 28 Мај 2024
ТЕЛ АВИВ (АА) - Израелската полиција интервенираше за време на протестите одржани синоќа во главниот град Тел Авив со барање за ослободување на израелските заробеници во Појасот Газа и оставка на Владата предводена од премиерот Бенјамин Нетанјаху, јавува Анадолу.
Протестите, кои се одржуваат секоја сабота против Владата на Нетанјаху, на кои е упатен повик за потпишување договор за ослободување на израелските заробеници, продолжија и оваа недела.
Десетици илјади луѓе кои се приклучија на антивладините групи ја критикуваа рамнодушноста на политичката волја во врска со враќањето на заробеници и побараа оставка од „најдесничарската влада“ во историјата на земјата и предвремени избори.
Додека некои од демонстрантите почнаа да се разотидуваат доцна во вечерните часови, група која остана во срцето на Каплановата улица запали оган.
По повикот да се растури, полицијата интервенираше и приведе најмалку четири лица. Повредено е најмалку едно лице.
Израел и меѓународната заедница го обвинуваат Нетанјаху дека поради политички причини не склучил договор за размена на затвореници со Хамас.
Израелците синоќа одржаа демонстрации низ целата земја барајќи враќање на израелските заробеници во Појасот Газа и оставка на владата на премиерот Бенјамин Нетанјаху.
Шефот на политичкото биро на Хамас, Исмаил Ханије, ги извести Катар и Египет на 6 мај дека ги одобрил нивните предлози во врска со договорот за прекин на огнот во Појасот Газа.
Откако Хамас објави дека ги одобрил „предлозите за прекин на огнот“ проследени од Катар и Египет, Воениот кабинет на Израел одлучи да продолжи со нападите во Рафа.
Над 35.903 Палестинци се загинати во Газа, главно жени и деца, каде е уништен голем дел од територијата, а предизвикана е и голема хуманитарна катастрофа.
Израел е обвинет за геноцид пред Меѓународниот суд на правдата. Привремената пресуда во јануари му нареди на Тел Авив да ги запре геноцидните акти и да преземе мерки за да обезбеди хуманитарната помош да стигне до цивилите во Газа.
