Израел синоќа уби 29 Палестинци во Појасот Газа

ГАЗА (АА) - Најмалку 29 Палестинци се убиени во нападите на израелската армија врз различни делови на Појасот Газа, известува Анадолу.

Израелските сили извршија напади врз бегалскиот камп Џабалија и градот Газа на северот, врз Хан Јунис на југот и бегалскиот камп Нусејрат во централниот дел на Појасот Газа.

Медицински извори од болницата „Кемал Адван“ информираа дека четворица Палестинци се убиени во напад извршен врз Џабалија, а тројца во напад врз градот Газа.

Палестинската новинска агенција ВАФА објави дека десет лица се убиени во напад врз регионот Бени Сухејла во Хан Јунис, а седум во Ал-Фухари.

Петмина Палестинци ги загубија животите во израелскиот напад западно од бегалскиот камп Нусејрат.