Земјотрес со интензитет од 5,5 степени ја потресе Индонезија

ЏАКАРТА

Во индонезиската провинција Источна Нуса Тенгара е почувствуван земјотрес со интензитет од 5,5 степени, јавува Агенција Анадолија (АА).

Агенцијата за метеорологија, клима и геофизика (BMKG) на Индонезија информираше дека епицентарот на земјотресот се наоѓа на отворено море, 125 километри североисточно од подрачјето Алор, на длабочина од 10 километри.

Според првичните проценки, во земјотресот нема човечки жртви ниту повредени, а не е дадено ниту предупредување за можно цунами.